>> Wednesday, April 14, 2010
కొద్దిగా స్వేచ్చను ప్రసాదించు
ఈ అనంత నీరవంలో
నన్ను నేను వెతుక్కోవడానికి,
కొద్దిగా స్వేచ్చను ప్రసాదించు
హృదయాంతరాళాల్లో
ఏ మూలనో పూడుకు పోయిన
ఈప్సితాలు ఈడేర్చుకోవడానికి
కొద్దిగా స్వేచ్చను ప్రసాదించు
నా పాద ముద్రలు పడ్డ
దారులను వెతుక్కోవడానికి
కొద్దిగా స్వేచ్చను ప్రసాదించు
నా స్వావలంబనకు చుక్కానిగా నిలిచే
నా సుషుప్త చేతనను వెతుక్కోవడానికి
ఈ ప్రపంచపు సమూహాలలో
నా అస్తిత్వం నిలుపుకోవడానికి
దుర్బల వేదనామయ జీవితానికో
గమ్యమూ, గమనము నిర్దేశించు కోవడానికి
కొద్దిగా స్వేచ్చను ప్రసాదించు
3 వ్యాఖ్యలు:
good one , anDi bagumdi
Very nice sir.........
స్వేచ్ఛను ప్రసాదించమని ఎవరిని (దేనిని)కోరుతున్నారో సింబలైజ్ చేయాల్సింది.కొంచెం
అస్పష్టంగా వుంది.అయినా బావుంది.
Post a Comment