మాటలతో చెలిమి
>> Saturday, January 2, 2010
" అక్షరాలతో సహవాసం
ఎంత అదృష్టమో కదా !
మాటలతో చెలిమి
మనసును ఆవిష్కరించే కుంచె కదా !
కవిత నీ కన్న బిడ్డ కదా !
అందుకే
గొప్ప కోసం వ్రాయకు
ఎవరి మెప్పు కోసమూ వ్రాయకు
ప్రాసల ప్రయాసల కొఱకు వ్రాయకు
ఆలోచన నిన్ను నిలువనీయనపుడూ
సంతోషం నిన్ను ఉక్కిరి బిక్కిరి చేసినపుడూ
సంవేదన నీ గుండెను మెలిపెట్టినపుడూ
వ్యక్తావ్యక్త వ్యధతో మనసు వ్యాకులమైనపుడూ
ప్రసవ వేదనకు సిద్దపడు.
పురిటి నెప్పుల అనుభవం పొందితేనే కదా !
మాతృత్వపు విలువ
పసితనపు లాలిత్యపు సొబగూ తెలుస్తాయి .
మనస్సులో మథనం జరిగితేనే కదా !
పదాల పొదుపూ ,పొందికా కుదురుతుంది .
ఆత్మ తృప్తి కొఱకు , ఆర్తుల కొఱకు
ఆనందం పంచటానికి
ఆవేదన పంచుకోవటానికి
ఆలోచనల పదును పెంచటానికి
ఎన్నిసార్లయినా పునర్జన్మకు సిద్దపడు. "
0 వ్యాఖ్యలు:
Post a Comment