మానవత్వం
>> Saturday, February 27, 2010
చావుని తృణీకరించినవాడు వీరుడే !
కళ్ళెదుటే కాలిపోతున్నా
కదలని వాడు .. ? కరగని వాడు ...??
చేష్టలుడిగి చోద్యం చూస్తున్నాం.
వార్తలు చేస్తున్నాం
"ఆత్మహత్యలొద్దు ఉద్యమాలు ముద్దంటూ'
చట్టబద్ధమైన హెచ్చరికలు చేస్తున్నాం.
మండుతున్న దేహాల చెంత చలి కాగుతున్నాం
మన ఖాతాలో కాలి పోయే
ఉన్మాదం కోసం వెతుక్కుంటున్నాం.
అనాదిగా మనకు అలవాటే
అవమానభారానికి అవనీ తనయ
మంటల్లోకి దిగితే
అమ్మా! నువ్వు పునీతవన్నాం
దాన్నో ఘనకార్యం చేశాం
అదే ఆదర్శమంటూ అబలల్ని
చితుల్లోకి నెట్టాం .
వారించడానికి కదలని చేతులు
జైకొట్టడానికి వేలాదిగా కదులుతాయి
మనిషిని మనిషే మంటల్లోకి నెట్టుకునే
మహోన్నత సంస్కృతి మన మానవత్వం .
1 వ్యాఖ్యలు:
చాలా బాగుందండి. నిజాలు చెప్పారు.
Post a Comment